حاجه تغيظ

فى حاجات كتير ممكن تتخنق منها يعنى مثلا لما تكون قاعد فى امان الله وكافى خيرك شرك
ومره واحده تلاقى حد جيه وفضل يضرب فيك وانت اساسا مجتش جنبه
سعتها هتعمل ايه هتقوم طبعا تضربه منتا اكيد مش هتسكت له
لكن اللى يغيظك فعلا بقى لما تمشى فى الشارع وتلاقى الناس متكتله على العربيات عشان يركبو
وتلاقى الاطفال الصغيره بتضرب فى النساء الكبيره اللى فى سن ولدتهم وجدتهم
والرجاله مش همها حاجه غير انها تطلع الاول عشان تلحق مكان
لما بقعد افكر فى ساعه صافيه كده ليه اساسا الموضوع ده بيحصل وليه احنا وصلنا للمرحله ديه
وكل ما افتكر ان الموضوع ممكن ميبقاش موجود وان احنا ممكن نتطور
وكل ما افتكر مين السبب فى الموضوع وانه هو الوحيد اللى فى ايده تتصلح الحاجات ديه
تتقلب الساعه الصافيه لساعه ملبده بالغيوم والعفره والتراب واقعد ادعى عليه
وافضل اقول تستهلو انتوا اللى عملتوا فى نفسكوا كده
انتوا اللى وصلتو نفسكوا للمرحله ديه
وارجع اقول دول غلابه مش فى ايديهم حاجه
بس الغلابه دول لو قالو حاجه وعملوا حاجه اكيد الوضع هيتغير
بس بجد بحزن جدا لما اشوف المنظر ده
وانا مش فى ايدى حاجه اساعدهم بيها غير الدعاء ليهم ويلنا
رينا يرحمنا جميعا

رمضان كريم

اولا :رمضان كريم وكل سنه والناس كلها بالخير اعاده الله علينا وعليكم بالخير واليمن والبركات

ثانيا:احسن حاجه ان المدونه ديه اتعملت فى رمضان ليه؟

عشان ان احيانا ربنا وعشنا لرمضان فى السنه الجايه

هقول ان المدونه ديه اتعملت فى رمضان ومش هنسى هى اتعملت امتى

ثالثا بقى وده الاهم واحنا صغيرين دايما معنى رمضان عندنا هو

الاكل والحلويات اللى ماما بتعملها والبس الجديد والصواريخ واللعب مع جرانا العيال

وسعتها بنحس ان فى رمضان لكن ليه بقى لما كبرنا

وابتدت الحاجات ديه تروح مننا ومبقناش نعملها زى الاول

مبقيناش نحس برمضان وقبل رمضان ما ييجى بكام يوم

بنحس ان ضايع مننا حاجه ومش عارفين هى ايه ولا حتى نرجعها ازاى

ويبتدى الاحساس اللى كنا بنحسه واحنا صغيرين يروح مننا

يمكن عشان فى حاجات كتير اتغيرت

ولا عشان الناس اتغيرت

ولا احنا اللى اتغيرنا

طب لو كان اهلينا علمونا من صغرنا ان رمضان هو شهر عباده

وحرمونا من اللعب ومن الصواريخ

كان زمانى حاسه بنفس الاحساس مش عارفه

ولا يمكن الشعور ده عندى انا بس مش عارفه

المهم اللى انا لازم اعرفه انى لازم احوال اعود نفسى على الوضع الجديد ده

عشان محسش بالاحساس ده تانى

المهم مش هطول

رمضان كريم